Li gor nûçeya ANHA’yê, danê êvarî nêzî saet 20.30’an ji ser xaka Tirkiyeyê li dijî Kobanê êrîşa bi fuzeyan çêbû. Di êrîşê de 4 fuze hatin avêtin. Yek li gundê Xurxurî ket, her 3 fuzeyên din jî li eraziya mabeyna navenda Kobanê û gundê Termîkê ketin.

Hate hînbûn ku di vê êrîşa fuzeyan a ji Tirkiyeyê ti kuştî çênebûne, balkêş e ku êrîş danê êvarî piştî di operasyona Şehîd û Fermandar Faysal Ebû Leyla de bajarokê Ebû Qelqel û 4 gund hatin rizgarkirin pêk hat.

Vê êrîşa fuzeyan, wek hewldanên artêşa Tirk a parastina çeteyên DAIŞ’ê tê nirxandin.