Li navçeya Amed Sûrê, ku dorpêçî û dagirkeriya dewleta Tirk di roja 84'an de ye, bi destpêkirina roja nû re êrîşan ji nû ve destpê kirin. Bi êrîşan re dengê teqîn û çekan jî bilind bû.

Hêzên YPS'ê jî bersivê didin êrîşên hêzên dewletê. Şer bi dijwarî dewam dike.

Ji saet 05:20'an û vir ve topbaran û êrîşa bi tankan dewam dikin. Helîkopter jî bênavber li ser taxên berxwedanê digerin.

Hat ragihandin, ku li taxên Fatîhpaşa û Hasirliyê, dema kepçeyên zirxî enqaza xaniyên ji aliyê hêzên dewletê ve hatin hilweşandin radikirin, teqînekê rû da. Li ser kuştî û birîndarên piştî vê teqînê agahî nehat bidestxistin.

Ji saet 08:30 û vir ve dengê teqînan tê û êrîşên bi tank û topan dewam dikin.