Şaredariya Baglarê bi munasebeta meha Remezanê xwarina fitarê da malbatan. Xwarin li Tesîsên Sporê yên Demîrok hat dayîn. Parlamenterê HDP’ê Edîp Berk, hevşaredara Bajarê Mezin a Amedê Gultan Kişanak, Hevşaredara Baglarê Bîrsen Kaya Akat û Eşref Guler, Hevserokên MEYADER’ê, rêveberên DBP û HDP’ê, meclîsên taxan û bi hezaran malbat beşdar bûn. Ji bo kesên di têkoşîna azadiyê de jiyana xwe ji dest dane deqeyek rêz hat girtin. Hevşaredara Bajarê Mezin a Amedê Gultan Kişanak beriya xwarinê axivî û got bi malbatan re di xwarineke wisa de hatina cem hev, ew gelek kêfxweş kiriye û got: “Em ê ji vir şûn ve jî layîqî nirxên xwe bin.”

Bîrsen Kaya Akat jî got qezencên îro bi saya zarokên van malbatên hêja pêk hatiye û got: “Em îro bi malbatan re hatin cem hev. Em gelek kêfxweşin. Heta dilopa dawî ya xwîna em ê bibin şopdarê wan. Yekane armanca me ev e ku canê kesî neşewite. Bila Meha Remezanê bibe wesîleya aştiyê.”

Piştî axaftinan Qurana Kerîm hat xwendin û xwarin hat dayîn.