Ji bo xebatkara berê ya kovara Ozgur Halk û endama YPS-JIN’ê Sonay Engîn (Nûcan Malatya) ya di berxwedana xwerêveberiya li navçeya Sûrê ya Amedê de jiyana xwe ji dest da, ji aliyê malbat, xebatkarên kovarê û YAKAY-DER’ê li Rêxistina HDP’ê ya Navçeya Sûltangaziyê şîn hat danîn.

Di şînê de rêveberên DÎAYDER’ê, Parlamentera HDP’ê ya Stenbolê Huda Kaya û Erdal Ataş jî tê de gelek kes amade bûn.

Di şînê de bira Metîn Engîn axivî, got bi xwişka xwe û têkoşîna wê serbilind in, wiha axivî: “Êdî dema hê zêdetir xwe bi têkoşîna wê girtinê ye. Ew şehîda Kurdistanê ye.”

Parlamentera HDP’ê Kaya jî got li ber azmê têkoşîna wê û sekna wê bi rêzdarî bejna xwe ditewîne.