Şervanên MLKP’ê Îvana Hoffman û Coşkûn Înce yên li Rojava şehîd ketibûn, bi wesîleya bîranîna şehîdên meha Mijdarê li cihê lê şehîd ketibûn hatin bîranîn.

Şervanên MLKP’ê Îvana Hoffman û Coşkûn Înce yên li Rojava şehîd ketibûn, bi wesîleya bîranîna şehîdên meha Mijdarê li Til Temir di çeperên tê de şehîd ketibûn hatin bîranîn. Şervanên MLKP’ê yên tevlî merasîmê bûn soz dan ku wê xwedî li mîrasa têkoşîna Hoffman û Înce derkevin.

Di bîranînê de li gel şervanên MLKP û YPG’ê nûnerên Saziya Malbatên Şehîdan û gelek kes amade bûn. Bîranîn ku bi merasîma leşkerî destpê kir, di axaftinan de soza dilsoziya bi şehîdan re hat ziman.