Li bajarê Girê Spî yê Rojavayê Kurdistanê, hejmara mirovên di êrîşa xwekujî ya bi wesayîta bombebarkirî hat kirin de jiyana xwe ji dest dan, zêde bû. Di êrîşê de 7 kesan jiyana xwe ji dest dan, 12 kes jî birîndar bûn.
Êrîş danê sibê saet di 10:20 de, bi pîck-upek Skoda pêk hat. Di êrîşa bombeyî de 7 kesan jiyana xwe ji dest dan, 12 kes jî birîndar bûn. Hat ragihandin, ji welatiyên jiyana xwe ji dest dane 2 kes endamên Hêzên Parastina Civakî (HPC) ne, ku li ber avahiya Mala Gel bi erka ewlekariyê radibûn.
Cenazeyên şehîdan li morga Nexweşxaneya Watanî ya li Girê Spî ne. Ji ber ku rewşa piraniya birîndaran giran e, piştî mudaxleya destpêkê hemû rakirin nexweşxaneyên li Qamişloyê.
