Memet Tûfan ku li Girtîgeha Kocaeliyê girtî ye, li malbata xwe geriya û wiha got: “Elektrîkê didin canê me. Bi lezgînî bigihêjin hewara me, wê me bikujin.”

Li Girtîgaha Tîpa T a No 2 a Kocaeliyê, girtiyê Kurd ê bi navê Mehmet Tûfan, ji aliyê gardiyanan ve rastî êşkenceyê hat.

‘ELEKTIRÎK DAN LEBETA CINSÎ’

Mehmet Tûfan, ji girtîgehê li xwişka xwe Zûhal Tûfan geriya û diyar kir ku gardiyan wê wan bikujin û wiha ji malbata xwe re got: “Piştî teqîna Enqereyê ji bo ku ez Kurd im û Amedî me, êşkenceyê li min dikin. Min ji neynûk û lebata cinsî ve dan elektirîkê. Bi lezgînî bigihêjin hewara me, wê me bikujin!”

Xwişka Tûfan, diyar kir ku ti ewlehiya jiyana birayê wê nîne, banga mudaxeleya lezgîn kir.