Ji bo şermezarkirina binçavkirina Hevşaredarê Bajarê Mezin ê Wanê Bekîr Kaya, girseya gel li ber avahiya şaredariyê li hev civiya. Lê belê polîsên Tirk bi ava şid û gaza îsotê êrîşî gelê Wanê kirin.
Piştî ku Kaya hat binçavkirin, girseya gel li ber avahiya şaredariyê li hev civiya, ku di nav de Parlamenterên HDP'ê Adem Geverî, Bedîa Ozgokçe Ertan û Hevseroka DBP'ê ya Bajêr Sevînç Şeker jî hebû. Girseyê li pêşiya avahiya şaredariyê daxuyaniyek da çapemeniyê.
Lê belê polîsên Tirk destûr nedan daxuyaniya çapemeniyê û êrîşî gel kirin.
Li ser vê yekê gel ket hundirê avahiya şaredariyê.
Polîsên Tirk dor li avahiya Şaredariya Bajarê Mezin a Wanê girtine.
