Esnafên Çelê, ji bo zextên polîsan ên li kargehan protesto bikin, dikanên xwe îro venekirin.

Li navçeya Colemêrg Çelê, polîsên Tirk duh avêtin ser 5 kargehan û bi îdîaya 'qaçax in' dest danîn ser cixare û çayên li van dikanan. Ji bo şermezarkirina van zextên polîsan, esnafan ragihandin ku ew ê dest bi çalakiya girtina derabeyan a 3 rojan bikin. Çalakiya girtina dikanan a esnafan, îro destpê kir. 

Firin û dermanfiroşan jî tevî esnafan derabeyên xwe ranekirin. Ji Walîtî yan jî qeymeqamtiyê heta niha li ser mijarê ti daxuyanî nehatiye.