Êrîşên artêşa Tirk ên hember herêmên gerîlayan didomin. Balafirên şer ên artêşa Tirk qada Bînbîr a girêdayî Geverê 4’ê Cotmehê saet 10.00 û 5’ê Cotmehê saet 04.00’an bombe kir.

Navenda Ragihandin û Çapemeniyê ya HPG’ê ku daxuyaniyeke nivîskî weşand têkildarî êrîşên artêşa Tirk ev agahî da: “4’ê Cotmehê saet 10.00 û 5’ê Cotmehê saet 04.00 balafirên şer ên artêşa Tirk bi piştgiriya pêgerên hewayî yên bêmirov; qada Bînbîr a girêdayî navçeya Gever a Colemêrgê bombe kiriye. Bi awayekî hemwext jî qereqolên Bezelê û Tepê Çete bi obus û hawanan qada Bînbîr bombe kirine.

4’ê Cotmehê saet di navbera 17.00 - 18.00’an de qereqola Şitaza ya girêdayî navçeya Şemzînan a Colemêrgê; qada Dola Şitaza bi obus û hawanan bombe kiriye.

4’ê Cotmehê saet di navbera 19.00 – 21.00’an de Tepê Sîvrî yê girêdayî qereqola Bezelê ya li ser sînorê herêma Avaşîn; qada Tepê Sor bi tank û tankan bombe kiriye.

4’ê Cotmehê saet di navbera 17.00 - 19.30’î de qereqola Yekmal a girêdayî navçeya Qilaban a Şirnexê; qada Şehîd Denîz û derdora wê ku li ser sînorê herêma Heftanîn e bi hawan û tankan bombe kiriye.

4’ê Cotmehê saet di navbera 17.00-19.00’an de qereqolên Yekmal û Elemûn ên girêdayî navçeya Qilabanê ya Şirnexê, bi piştgiriya pêgerên hewayî yên bêmirov, gundê Kêsê, qûntarê girê Zendûra û girê Tankê yên li xeta sînorê herêma Metîna ya Herêmên Parastinê yên Medyayê, bi obus, hawan û tankan ve bomberdûman kir. Di encama van bomberdûmanan de erazî şewitî û gelê li gundê Kêsê dijîn, neçar mane ku ji gund veqetin.

4’ê Cotmehê saet di navbera 15.00-16.00’an qereqola Bîlîcanê ya li xeta sînorê herêma Zapê ya Herêmên Parastinê yên Medyayê, herêmên derdora xwe da ber çekên giran.

4’ê Cotmehê saet di navbera 21.30-22.30’an de qereqolên Serbest, Şivan û Tepê Çete yên li xeta sînorê Şirnexê, girê Partîzan ê li xeta sînorê herêma Heftanînê ya Herêmên Parastinê yên Medyayê bi obus û hawanan bomberdûman kir. Van bomberdûnan bê encam mane.

4’ê Cotmehê saet di navbera 06.30-20.30’an de li ser herêma Heftanînê; saet 14.30-23.00’an li ser herêma Zapê; saet 22.20 û 5’ê Cotmehê saet 05.00’an li ser herêma Avaşîn a Herêmên Parastinê yên Medyayê, pêgerên hewayî yên keşfê gerîyan.

Di navbera 4’ê Cotmehê saet 11.00 - 12.30 û 5’ê Cotmehê saet 04.00 - 05.30’î de herêma Zapê, dîsa di navbera 4-5’ê Cotmehê saet 22.30 - 05.00’an de li ser herêma Avaşîn tevgera balafirên şer rû daye.”