Li gorî agahiyên nûçegihanên ANHA'yê ji herêmê ragihandin, çeteyên ku duh danê sibehê êrîşî stasyona Radarê kirin rastî bersiva tund ya YPG’ê hatin û şer heta danê nîvro dewam kiriye. Hat ragihandin ku di encama vî şerî de êrîşa çeteyan hatiye şikandin û çeteyan derbeke mezin xwarine. Di şerê tevahiya rojê de herî kêm 25 çete hatin kuştin.

Li gorî gahiyên tevî 4 cenazeyan 2 wesayîtên leşkerî, motorsîkletek, çekek zagros a sûîqestê, doşkayek 12.5, qernasek, çekek B7, çekek BCK û 500 fîşekên wê,  2 bombeyên destan, 3 çente û gelek cebilxaneyên din hatin desteserkirin.

Bi vê derba giran re çete nîvê şevê ji herêmê reviyan. Balafirên koalisyonê jî çeteyên êrîşê gundê Sebazilam kirin 15 çete bê bandor kirin û hawanek 82 rûxandin.

Her wiha hat ragihandin ku di encama teqîna mayîna çeteyan a li ser rêya gundê Bedîa de şervanekî YPG'ê jiyana xwe ji dest da.