YPG’ê derbarê rewşa dawî li Şêxmeqsûd û êrîşên komên çete yên li dijî sivîlan de daxuyaniyek da raya giştî.

Daxuyanî wiha ye:

“Lehengiya yekîneyên me li Rojava ji bo serkeftin û azadiya gelan her diçe mezintir dibe. Bi êrîşên çeteyan ên li dijî taxa Şêxmeqsûd a Helebê re yekîneyên me yên YPG û YPJ’ê ji bo rizgarkirina wan herêman ji çeteyan operasyonek destpê kirin da ku rê li pêşiya van êrîşan were girtin û topbaran li dijî sivîlan were sekinandin. Di vê encama topbaran û êrîşên çeteyan de welatiyên sivîl ên Kurd, Ereb, Turkmen û Asûrî dibûn hedef û dibûn qurbanî.

Ji bo aramiya gelên ku li taxê jiyan dikin Yekîneyên Parastina Gel û Yekîneyên Parastina Jin xwînê bi qurbaniyên mezin didin. Di şerê li El-Seken El-Şebabî de lehengên me bi xwîna xwe ya zelal efsaneyeke têkoşîn û qehremaniyê xemilandin. Herdu hevalên me Egîd Heleb û Rêdûr Qîbar bi çalakiyeke fedayî jiyana xwe jidest dan. Ew li pêşiya çeteyan sekinîn û bi çalakiya xwe nehiştin ku çete derbas bibin.”

Nasnemeyên şehîdan wiha ne:

Nav û paşnav: Hisên Şêxo

Nasnav: Rêdûr Qîbar

Navê dayikê: Henan

Navê bav: Şemis

Cihê Jidayikbûnê: Gundê Qîbarê

Cih û dîroka şehadetê: Heleb- Eşrefiyê 17’ê sibata 2016’an

***

Nav û paşnav: Demhat Xerîb

Nasnav: Egîd Heleb

Navê dayîkê: Menîre

Navê bav: Edhem

Cihê Jidayikbûnê: Efrîn

Cih û dîroka şehadetê: Heleb – El-Seken El-Şebabî 18’ê 2016’an