‘Operasyona Fermandar Şehîd Feysel Ebû Leyla’ ya rizgarkirina Minbicê ku ji aliyê Meclîsa Leşkerî ya Minbicê ve hatiye destpêkirin di roja xwe ya şeşemîn de bi rizgarkirina gundik, gund û bajarokan dewam dike.

Şervanan îro jî du gundên din ji destê çeteyên DAIŞ’ê rizgarkirin. Li baskê operasyonê yê aliyê Pira Qereqozaxê gundê Xirbet El-Masê û li baskê Bendava Tişrînê jî gundê Fers Sexîr hatin rizgarkirin.

Operasyona Meclîsa Leşkerî ya Minbicê bi pêşdeçûnan dewam dike.