Navenda Ragihandin û Çapemeniyê ya HPG'ê, dîmenê çalakiya sabotajê ya li Mêrdîne weşand. Di daxuyaniya HPG'ê de hat gotin, "Roja 20'ê Gulanê saet di 10:45'an de, ji bo bîranîna Şehîdên Berxwedana Nisêbînê, hêzên me yên gerîla li gundê Bernişt ê Mêrdînê, kontrayekî bi navê Kazim Kavak ê di sala 1993'an de hevalên me şehîd xist, hat cezakirin. Piştî çalakiyê maşîneke zirxî ya bi tîpa Akrep ji bo destwerdanê hat herêmê. Ev maşîna zirxî bi çalakiya sabotajê hat îmhakirin û medya şer a Tirk diyar kir ku 8 birîndarên wan hene. Yekîneya me ya çalakî pêk anî, encamên çalakiyê kişand kamerayê. Dema li vî dîmenê di malpera me Gerilla TV de hat weşandin tê temaşekirin, weşankariya derewîn û xapandinê ya medya şerê taybet baştir tê fêmkirin."