Navenda Giştî ya Partiya Herêmên Demokratîk (DBP) têkildarî girtina Hevserokê Şaredariya Bajarê Mezin a Mêrdînê Ahmet Turk daxuyaniyek nivîskî da.

Di daxuyaniyê de wiha got: “Li gel girtina Hevserokê Şaredariya Bajarê Mezin a Mêrdînê Ahmet Turk, operasyona dîlgirtinê gihiştiye lûtkeya herî bilind.” Di dewama daxuyaniyê de ev tişt hatin gotin:

‘BI SALAN LI BER XWE DAN HETA HATIN VAN ROJAN’

“Ahmet Turk yek ji siyasetmedarên ku hem ji bo gelê Kurd û hem jî ji bo gelên Tirkiyeyê rola nuqteya hevpar a li hevkirinê pêk dianî. Tevî ku ev ji aliyê hemû beşên demokrasiyê ve dihate zanîn jî bêtehmûliya Serokkomar û AKP’ê ya li dijî siyasetmedarên Kurd, bi rastî li dijî hêviyên aştî û hermên siyaseta demokratîk dixwazin ji welatê me bidin rakirine. Nexasim Ahmet Turk di tevahî jiyana xwe de ji bo çareserkirina pirsgirêka Kurd bi rêyên aştiyane çareser bibe têkoşîn kir û berdêl daye.

Hikûmeta AKP’ê bi girtina Ahemt Turk ê ku di civakê de bi aştiyê tê naskirin peyama şer a heta dawiyê da. AKP ya ku polîtkayên teslîm girtinê ferz dike, tiştekî bi welat nade qezençkirin, em dixwazin bi bîr bînin ku wê hê zêdetir xwîn birije û rondikên çavan bên xwar. Ahmet Turk û siyasetmedarên din ên ku hatin dîlgirtin, li dijî van polîtîkayên îmha û înkarê bi salan li ber xwe dane û gihiştine van rojan.”

‘QET JI TÊKOŞÎNA AZADIYÊ VENGERIN’

Di dawiya daxuyaniya DBP’ê de ev peyam hatin dayîn:

“Îro polîs,leşker û daraz bi zextan dikarin me dîl bigirin lê qet û qet nikarin me ji têkoşîna azadiyê vegerînin. Girtina Ahmet Turk a çinara demokrasî û aştiyê bi tundî şermezar dikin, li dijî AKP û bêhiqûqiya wê ya ku dixwaze welatê me di nava xwînê de bifetisîne bang li hemû beşdên demokrat dikin ku têkoşîna hevpar bilind bikin.”