Li navçeya Şaxê ya Wanê piştî pevçûna duh bi şev, polîs û leşker gule li mal û wesayitên derdorê reşandin. Polîsên tîmên taybet ku bi ser gelek malan de girtin jî gefa kuştinê li welatiyan xwar.

Li navçeya Şaxê ya Wanê duh bi şev li hemberî Miduriyeta Emniyetê û Fermandariya Jendermeyê ya Şaxê êrîş pêk hatibûn, piştî êrîşê polîs û leşker mal û wesayitên derdor gule baran kirin. Piştî pevçûna ku derket ber destê sibê jî polîsên tîmên taybet bi ser gelek malan de girtin û gefa kuştinê li welatiyan xwarin. Hate ragihandin ku polîsan di serdagirtina malan de bi gotinên "Hun dua bikin ku polîs û leşker zirarê nedît. An na meyê mala we di sere we de hilweşanda" welatiyan tehdît kirine.

Hat zanîn ku di serdagirtinan de tu kes nehatiye binçav kirin.