Hevseroka Cemiyeta Rojnamevanên Azad Nevîn Erdemîr û xebatkarê Ozgur Gun Radyo Ahmet Gulmez ên berî du rojan dema ji Amedê dihat Mêrdînê li benda kontrolê ya polîsan hatin binçavkirin û ew birin Midûriyeta Emniyetê ya Bajêr, dema ragirtina wan li binê çavan cara duyemîn ji bo 24 saetan hat dirêjkirin.

Parêzerê Erdemîr û Gulmez Fevzî Atsiz der barê mijarê de agahî da û diyar kir, ku rayedarên emniyetê îdîa kirine, ji ber karê wan ê zêde hînê îfadeya muwekîlên wan negirtine.