Serdozgeriya Komarê ya Wanê, li ser axaftinên Parlamenterê HDP'ê yê Wanê Adem Geverî, ku di sala 2015'an de kir, gilînameyek amade kir. Gilîname pêşkêşî 2. Dadgeha Cezayê Giran a Wanê hat kirin û hat qebûlkirin.

Di gilînameyê de tê îdîakirin ku Geverî "Pesnê çalakiyên şîdetê daye", "propaganda rêxistinê kiriye", "hewl daye yekparebûna welêt û yekîtiya dewletê xera bike" û "endamê rêxistinê ye". Dozgeriya Tirk xwest cezayê girtina heta bi hetayê û 35 salan li Geverî bê birîn.