Li navçeya Geverê ciwanê bi navê Diyar Akin ê ku di êrîşa polîsan a li dijî gel de bi 3 guleyan ve birîndar bû li nexweşxaneyê jiyana xwe ji dest da.

Li navçeya Geverê ya Colemêrgê ku tîmên taybet û polîs ji duh şevê heta niha êrîşî gel dike ciwanê bi navê Azad Ertaş ê ku ji aliyê polîsanv e hate qetilkirin, piştî wî ciwanê bi navê Diyar Akin ê ku bi giranî birîndar bûbû jî jiyana xwe ji dest da. Akin ê ku li qata sêyemîn a avahiyê bi 3 guleyan ji singê xwe birîndar bû kete xwarê li Nexweşxaneya Dewletê ya Geverê nehat xilaskirin û jiyana xwe ji dest da.

Cenazeyê Azad Ertaş jî li mizgefta Kişla ya Eskî Merkezê tê rawestandin.