Hat ragihandin ku çeteyên dewleta Tirk li Hezexê kepengên cihê kar ên li ser rêya Kolana Sanat û Rêya Qonaxa Hikûmetê şkandin û dest bi talanê kirin.

Êrîşên hêzên dewleta Tirk ên li ser navçeya Hezex a Şirnexê di roja 14. de li ser taxan didome. Taxa Tûrgût Ozal a ku bi rojan e di bin êrîşan de ye, rastî êrîşa topan tê.

Hêzên dewleta Tirk cihên kar ê li ser rêya Kolana Sanat û Rêya Qonaxa Hikûmetê deriyan dişkînin û dest bi talankirina kel û pelan kirine.

Li aliyê din hat diyarkirin ku rojnamevanê DÎHA Mahmût Rûvanas û Rojanamevanê Rojnameya Azadiya Welat Kadrî Esen ên ku duh hatibûn berdan, piştî kontrola tenduristiyê wê ji navçeyê bên derxistin û ji aliyê parêzeran ve wê li navçeya Midyada Mêrdînê bên danîn.