Çeteyên SÛK’ê bi topên hewanê êrîşî Taxa Şêx Meqsûdê kirin.

Komên çete yên girêdayî qaşo Koalîsyona Neteweyî ya Sûriyeyê ji saet 11.00’an ve bi topên destsaz, hewan û çekên giran êrîşî Taxa Şêx Meqsûd a Helebê kirin.

Di daxuyaniya Navenda Çapemeniya YPG’ê de hate diyarkirin ku di êrîşê de ziyanên mezin gihiştine avahiyên şêniyan.

Di daxuyaniya YPG’ê de wiha hate gotin:

“Komên çekdar ên girêdayî Koalîsyona Sûriyeyê ku bermahiyên ENKS'ê jî cihê xwe tê de digirin, ji saet 11:00’an ve herêmên sivîl li Taxa Şêx Meqsûd a Helebê bi topên destsaz, hawan û cûreyên cuda ji sîlahên giran bi dijwarî bombebaran dikin. Di êrîşên ku heta vê kêliyê berdewam dikin de ziyanên ciddî gihîştiye avahiyên welatiyan.”