Çeteyên DAIŞ'ê bi qasî 15 hezar Minbicî li cihekî bi 500 metreyan dûrî bazara El Muxeta ye, kom kirin û li vê derê xeteke parastinê ji xwe re ava kirin.

Ev xeta parastinê, ji taxa Rêya Cizîrê ya rojhilat heta Bustan El-Yastî, Til El-Yastî û El-Hewatmê yên li bakurrojhilatê bajêr, herêma Ceylawî ya bakur (li ser rêya Cerablusê) û derdora El-Serib a li bakurrojavayê û heta herêma El-Şerîha dirêj dibe.

Li aliyê din ji herêma El-Şerîha heta Bustan El-Hedad û Avjêgeha Mehkûş û hetanî El-Hezawnê û firneya nan dirêje dibe. Bi vê yekê çeteyan xeteke çemberîn a glover ji hemû aliyan ve çêkirine da ku welatiyên bajêr nikaribin derkevin.

Ji ber qutbûna xeta telefonê têkiliya bi welatiyan re hatiye birîn. Hin welatiyan ji aliyê taxa Resim El-Exder û Çerxerêya El-Şerîha ango ji aliyê rojavayê bajêr xwe xelas kir û gihîştin şervanên Meclîsa Leşkerî ya Minbicê.