Cenazeyên yek jê zarok 6 kesan ên li Cizîrê hatin qetilkirin û rakirin ATK’ya li Silopiyayê, piştî teşxîskirinê ji aliyê malbatan ve hatin girtin.

Cenazeyên Abas Gullubahçe, Azad Yilmaz, Agît Kuçuk, Harûn Baran, Dogan Çaliş û zarokê 13 salî Hakki Kulte yên ku li Cizîrê hatin qetilkirin û rakiribûn Saziya Tiba Edlî ya demkî ya li Deriyê Sînorê Xabûrê, piştî karûbarê otopsî û DNA’yê hatin teşxîskirin, ji aliyê malbatan ve hatin girtin.

Hat diyarkirin ku cenazeyê Gullubahçe li gundê Bogazonu yê girêdayî navçeya Motkî ya Bedlîsê, cenazeyê Çaliş li gundê Kasrîk ê girêdayî navçeya Xana Hewêl a Sêrtê, cenazeyê Kuçuk, Yilmaz, Barin û Kulte li Cizîrê ber bi rêwîtiya dawî ve wê bên oxirkirin.

Li aliyê din jî îro cenazeyê Sahîp Edîn ê ku li malekê ve hat dîtin, ji bo otopsiyê rakirin Deriyê Sînorê Xabûr.