Ji cenazeyên 28 sivîlên li Cizîrê bi awayekî wehşî ji aliyê dewleta Tirk ve hatin qetilkirin û anîn Rihayê, cenazeyê Sînan Kaya (22) ji aliyê malbatê ve hat teşxîskirin.

Malbatê li morga Nexweşxaneya Lêkolîn û Perwerdeyê ya Mehmet Akîf Înan teşxîs kir û piştî otopsiyê wê bibe Mersînê li wir veşêre.

Bi teşxîskirina Kaya re li Nexweşxaneya Mehmet Akîf Înan 12, li Nexweşxaneya Dewletê ya Balikligolê 6, li Nexweşxaneya Dewletê ya Sêweregê jî 5 cenaze man.