Li navçeya Hezexê ya ku êrîşên qirkirinê yên çeteyên dewleta Tirk berdewam dike cenazeyê kesekî hat dîtin. Polîsan cenaze rakirin Nexweşxaneya Dewletê ya Hezexê. 

Li navçeya Hezexê ya Şirnexê êrîşên qirkirinê yên çeteyên dewleta Tirk berdewam dike. Piştî ku li Taxa Atakentê welatiyê bi navê M. Sadik Bozderî yê ji ber ku 5 rojan li benda ambulansê ma û ji aliyê çeteyên dewletê ve hat înfaz kirin, cenazeyê kesekî ku navê wî nehat zanîn hate dîtin. Cenaze rakirin Nexweşxaneya Dewletê ya Hezexê. Li gorî agahiyên ji nexweşxaneyê hat girtin, polîsan cenaze anînye nexweşxaneyê. Piştî ku cenaze anîn morgê hate diyarkirin ku polîsan mifteya morgê ji xebatkarên nexweşxaneyê girtine.