Cenazeyê gerîlayê HPG’ê Erdem Tusu (Demhat Brusk), ku roja 16'ê Mijdarê li herêma navbera navçeya Qoserê ya Mêrdînê û navçeya Wêranşarê ya Rihayê di şer de jiyana xwe ji dest da bû ji aliyê malbatê ve li nexweşxaneya Dewletê ya Qoserê hat wergirtin û birin Amedê. Li Goristana Yenîkoyê merasîm hate lidarxistin û gelek reveberên HDP, DBP’ê tevlî bûn. Piştî bicihanîna wecîbeyên olî cenazeyê Tusu li ber dirûşmên 'Şehîd Namirin' hat veşartin.

Di dema merasîmê de wekîla Hevseroka DBP’ê Leyla Ayaz axivî û wiha got; "Dem ne dema axaftinê ye, dema dema tekoşînê ye."

Bavê gerîlayê HPG’ê Tusu jî axivî û wiha got; "Ev şehîd, ev biratî û ev yekîtî ya tevahiya Kurdistanê ye."

Piştî merasîm qediya û gisre belav bû, polîsên Tirk birayê Tusu Mehmet Zatî Tusu bi hinceta dirûşme qîriya ye binçav kirin. 

Sersaxî wê li mala sersaxiyê ya Temîran bên qebûlkirin.