Cenazeyên 730 Kurdên ku di encama Komkujiya Enfalê ya ku ji aliyê rejîma Beasê ya Sedam Huseyîn ve li hemberî Kurdan hat pêkanîn de jiyana xwe ji dest dan û di gorrên komî de hatin veşartin, ji Bexdayê hatin wergirtin û anîn Başûrê Kurdistanê û spartin axê.

Hestiyên 730 kesên di komkujiya Enfalê yên di serdema rejîma Baas de hatin qetilkirin û di gorrên komî de hatin definkirin, hatin dîtin li Çemçema Silêmaniyê bi merasîmekê spartin axê.

Di dema deshilatdariya rêjima Baas (1963-2003) de herî kêm 182 hezar kurd hatin qetilkirin. Ji 182 hezar kurdên ku di enfalê de hatin qetilkirin heta niha tenê hêstiyên 2 hezar kesan ji 54 gorên komî hatin derxistin.

6 meh berê li Biyabana (Sehra) ya Mihal a bajarê Dîwaniye ya li başûrê Iraqê, hêstiyê 730 kurdên di enfalê de hatin qetilkirin û di gorreke komî de hatin veşartin hatibûn dîtin. Hestiyên 730 kes hatin dîtin, îro serê sibê li Çemmema ya Silêmaniyê spartin axê.

Di merasîmê de Serokê Hikûmeta Herêma Federal a Kurdistanê Neçîvan Barzanî, Cîgirê Serokê Herêma Federal a Kurdisanê Kusret Resul, Serokê Parlementoya Herêma Federal a Kurdistanê Erselan Bayîz, û gelek xizmên kesên di komkujiya Enfalê de jiyana xwe ji dest dan cih girtin.

Serokwezîrê Herêma Kurdistanê Nêçîrvan Barzanî di merasimê de axivî û diyar kir ku heta niha jî pirsgirêka Kurd li Iraqê nehatiye çareserkirin.

Nêçîrvan Barzanî diyar kir ku ev kesên hatine enfalkirin, tenê ji ber sedemekê hatine enfalkirin, ew jî ew e ku ji ber k u Kurd bûn. Barzanî destnîşan kir ku dewleta Iraqê ava bû û vir ve tenê êş, şîn û nexweşî daye Kurdan û bal kişand ser têkoşîna Kurdan a li hemberî rejîma Baasê.

Nêçîrvan Barzanî bal kişand ser rewşa îro ya Herêma Kurdistanê û diyar kir ku heta niha jî pirsgirêka Kurd li Iraqê çareser bûye. Barzanî got; “Armaca sereke ya Enfalê valekirina bajar û navçeyên Kurdistanê bû” û wiha domand; “ Tiştên lib ajar û navçeyên Sadiye, Celewle, Kerkûk diqewimin, berdewama heman siyaseta erebkirinê ye.” Her wiha, li hemberî helwesta hikûmeta Malikî banga hişyariyê li Kurdan kir.