Bi hezaran Fermandarê Tabûra Şems El Şemal û Endamê Meclîsa Leşkerî ya Minbicê Faysal Ebû Leyla ber bi rêwîtiya dawî ve oxir dikin.

Fermandarê Tabûra Şems El Şemal û Endamê Meclîsa Leşkerî ya Minbicê Faysal Ebû Leyla di dema operasyona rizgarkirina Minbicê di 3’ê Hezîranê de birîndar bibû û rakiribûn Nexweşxaneya bajarê Silêmaniyê, li vir jiyana xwe ji dest da. Cenazeyê Fermandar Ebû Leyla  û şervanê QSD’ê Harûn Kobanê, li Kobanê ji aliyê bi hezaran kesan ve bi merasîmekê ber bi rêwîtiya dawî ve tê oxirkirin.

Girseyê, cenazeyê Ebû Leyla ji Saziya Malbatên Şehîdan hildan ser milan û bi meşekê ber bi Goristan Şehîd Dîcle a li Gundê Termîkê ve ketinbûn rê gihiştin Goristan Dicle.

Li Goristan Şehîd Dicle merasîmek tê li dar xistin. Merasîma ku bi rêzgirtinê destpêkir Hevseroka Meclîsa Desteya Sîstema Federaliya Demokratîk a Sûriye û Bakurê Rojava Hediye Yûsûf, Hevseroka Meclîsa Sûriyeya Demokratîk Îlhan Ehmed, Hevseroka PYD’ê Salih Muslim, Berdevkê QSD’ê Şervan Derwîş, Fermandarê Giştî yê Tabûra Şems El-Şemal Mihemed Ebû-Edêl, Şêwirmenda Rêbeveberiya Xwesriya Demokratîk a Kobanê Rûken Ehmed, Serokê Konseya Têkiliyên Jiderve Îbrahîm Kûrdo û Serokê Konseya Ekonamiyê Fethî Misiro, endam û Rêveberên Rêxistin û saziyên Kantona Kobanê jî beşdarî merasîmê bûn.