Serdozgeriya Komarê ya Elezîzê, ji ber axaftina wî ya li 2. Kongreya Asayî ya Rêxistina DBP'ê ya Elezîzê, li dijî endamê Heyeta Îmraliyê û Parlamenterê HDP'ê yê Amedê Îdrîs Balûken gilîname amade kir.

Eger gilîname ji aliyê 2. Dadgeha Cezayê Giran a Elezîzê ve were qebûlkirin, wê Balûken ji ber îdîayên "propaganda rêxistinê", "pesindayîna sûc û sûcdar", "sorkirina gel ji bo sûc" bê darizandin. Dozgeriya Tirk dixwaze 10 sal cezayê girtîgehê li Balûken bê birîn.

Dozgeriya Tirk her wiha xwest, endametiya meclîsê, mafê hilbijartinê û xizmeta cemaweriyê ji destê Balûken bê girtin.

Doz wê di 21'ê Kanûnê roja Çarşemê li 2. Dadgeha Cezayê Giran a Elezîzê dest pê bike.