Hat ragihandin ku dê îro Serokê Herêma Kurdistanê Mesûd Barzanî bi Hevserokê PYD’ê Salih Mislim û Hevserokên Meclîsa Gel a Rojavayê Kurdistanê Sînem Mihemed û Ebdilselam Ehmed re hevdîtinek pêk bîne.

Li gorî agahiyên hatine bidestxistin, hevdîtin dê îro derdora demjimêr 11.00 pêk bê. Tê payîn ku di hevdîtinê de geşedan û bûyerên li Rojavayê Kurdistanê û Sûriyeyê û bi taybet pirsgirêka Kurd li Rojavayê Kurdistanê bê gotûbêjkirin.

Hêjayê gotinê ye ku Serokê Herêma Kurdistanê Mesûd Barzanî, Hevserokê Partiya Yekitiya Demokratîk (PYD) Salih Mislim û Hevserokên Meclîsa Gel a Rojavayê Kurdistanê Sînem Mihemed û Ebdilselam Ehmed vexwendibû Başûrê Kurdistanê.