Ji Konsolosxaneya Tirkiyeyê ya li Romayê pisporê konsolosxaneyê Kurmay Albay Huseyîn Hîlmî Atalay tayînî Fermandariya Cendirmeyan ya Amedê kirin.

Li gorî agahiyan, bi biryara Şûra Leşkerî ya Bilind, Fermandarê Cendirmeyên Amedê Albay Mûstefa Erdem tayînî Fermandariya Alaya Xwendekarên Astsûbay ya Fermandariya Dibistana Cendirmeyên Enqereyê hate kirin cihê wî vale ma û ji konsolosxaneya Tirkiyeyê ya li Romayê pisporê konsolosxaneyê Kurmay Albay Huseyîn Hîlmî Atalay hate tayîn kirin.

Albay Erdemê ku tayînî Enqereyê hate kirin, li gel fermandarê nû Kurmay Albay Atalay îro li meqamê Waliyê Amedê serdana Mûstefa Toprak kirin.