Penaberên Kampa Şariya ya nêzî Duhokê xwestin Komkujiya Şengalê şermezar bikin rastî êrîşa PDK’ê hatin. Di êrîşê de serê keçekê hat şikandin û 8 kes birîndar bûn.

Penaberên Kampa Şariya ya 5 kîlometre nêzî bajarê Dihokê ye, xwestin Komkujiya Şengalê ya 3’ê Tebaxê şermezar bikin. Bi dehan penaberên kampê xwestin biçin gundê Şariya û li wir çalakiya xwe li dar bixin. Derdora saet 13:00’an ber bi gund ve meşiyan, lê di rê de rastî astengiya asayîşa PDK’ê  hatin.

Li gor ajansa nûçeyan RojNews polîsan êrîşî gel kirine, li welatiyan dane û serê keçekê şikandine.

Dema gel dimeşiya, hêzên asayîşa PDK’ê tên cihê bûyerê û di navbera gel û hêzên asayîşê de pevçûn  derket. Gel bi keviran bersiva êrîşa hêzên asayîşê da û zêdetirî 8 kesan birîndar bûn.