Çavkaniyên ji Meclîsa Leşkerî ya Minbicê dan zanîn ku artêşa Tirk a dagirker û çeteyên wê bi çekên giran êrîş birine ser çeperên şervanên Meclîsa Leşkerî ya Minbicê yên li gundê Şêx Nasir ê li rojavayê Minbicê. Şervana bersiva van êrîşan dan û şer derket. Li gorî agahiyên gihîştin ber dest, şerê li vê herêmê bi dijwarî dewam dike.

Balafirên şer ên artêşa Tirk duh bombe li gundên Şêx Nasir û hin gundên din ên li rojavayê Minbicê barandibûn û ji ber vê bomberdûmanê şervanekî Meclîsa Leşkerî ya Minbicê jiyana xwe ji dest da bû.