Artêşa Tirk, “Şehîdgeha Şehîd Cûma û Şehîd Binevş” a li Çiyayê Cûdî bombe kir. Li goristana ku mertalên zindî jî lê nobedê digirin, hat diyarkirin birîndar nînin.

Artêşa Tirk derdora “Şehîdgeha Şehîd Cûma û Şehîd Binevş” a li Çiyayê Cûdî ku ji 21’ê Îlonê ve çalakiya mertalên zindî lê didome bombe kir. Topeke hawanê 10 metre li nêzî “şehîdgehê” ket. Hat ragihandin ku li goristana mertalên zindî lê nobedê digirin kes birîndar nebûye. Mertalên zindî yên nobeda xwe ya li goristanê didomînin, li nav goristana ku berê jî hatibû texrîbkirin belav bûn û çeper girtin.