Artêşa Tirk li hember herêmên gerîla bomberdûmanê didomîne, tevgera hewayî berdewam dike.

Navenda Çapemenî û Ragihandina HPG’ê daxuyaniyek nivîskî weşand û diyar kir ku artêşa Tirk bi taybet derdorên gundên Geliyê Xûmarok, Nêrdûşa, Tûyê, Biya Horê û Warê Sêva yên girêdayî navçeya Şemzînanê ya Colemêrgê bomberdûman dike, dixwaze sivîlan ji qadê dûr bixe.

HPG’ê di daxuyaniya xwe de der barê êrîşên artêşa Tirk ev agahî parve kir: “Ji 29’ê Îlonê û vir ve artêşa TC derdorên gundên Geliyê Xûmarok, Nêrdûşa, Tûyê, Biya Horê û Warê Sêva yên girêdayî navçeya Şemzînanê ya Colemêrgê ji saetên sibê heta danê êvarî bi obus û hawanan bomberdûman dike. Artêşa TC dixwaze bi van êrîşan sivîlan ji qadê dûr bixe û eraziyê vala bike.

2’ê Cotmehê saet di navbera 06.00-15.00’an de artêşa TC herêma Govendê ya li xeta sînorê herêma Avaşînê; saet 13.00-14.00’an qereqola Grana, herêma Tepê Xwedê; saet 16.00-16.30’an qereqola Oramarê ya girêdayî navçeya Gever a Colemêrgê, girên Şehîd Bager û Şehîd Artêş bi obus û hawanan bomberdûman kir.

2’ê Cotmehê saet 09.00-10.00’an qereqola Serbesta ya li xeta sînor a herêma Metîna ya Herêmên Parastinê yên Medyayê, qûntarê Kuroşîno bi tank û hawanan bomberdûman kir.

2’ê Cotmehê saet navbera 09.00-09.30’an qereqola Bîlîcanê ya li xeta sînorê herêma Zapê ya Herêmên Parastinê yên Medyayê, herêma Garêya biçûk da ber obusan.

2’ê Cotmehê saet navbera 13.00-14.00’an qereqola Tepê Remo ya girêdayî navçeya Gever a Colemêrgê, bi bombeyên mîsket li herêma Mergêzerê da.

2’ê Cotmehê saet 14.00-15.00’an qereqola Gemanê ya girêdayî navçeya Çelê ya Colemêrgê, herêmên derdorê xwe rasterast bomberdûman kir.

2’ê Cotmehê saet 07.00-12.30’an û saet 22.00-23.00’an de li ser herêma Zapê, saet 11.30-12.30’an li ser herêma Garê, 3’ê Cotmehê (îro) saet 01.00-06.30’an li ser herêma Heftanînê pêgerên hewayî yên keşfê geriyan. Her wiha, 2’ê Cotmehê saet di navbera 19.30-20.30’an û 22.30-23.00’an de li ser herêma Zapê û Avaşînê tevgera balafirên şer hebû.”