Çeteyên DAIŞ'ê bi desteka Qesr/AKP'ê re ji sînorê Tirkiyeyê saet di 01.15 ê 27'ê Sibatê de li hemberî Girê Spî dest bi êrîşeke berfireh kirin. Ev êrîşa ku mezintirîn êrîşên çeteyan ên demên dawî ye, ji aliyê hêzên YPG û Asayîşê ve hat şikandin. Erdogan/Davûtoglû yên nikarîbûn bi çeteyan re bigihêjin armancên xwe, îro saet di 05:00 de bi çekên giran êrîşî bajêr kirin. Li gorî agahiyên ji herêmê hatine bidestxistin, artêşa Tirk bi çekên giran gule li gundê El Mûnbetîh ê li başûrê Girê Spî reşandiye.

Nûçegihanan dan xuyakirin, ku êrîş hînê dewam dikin û artêşa Tirk hîn bêhtir leşker, tank û panzer şandiye ser sînor.