Navenda Çapemenî û Ragihandinê ya HPG’ê diyar kir ku bomberdûmana li hember Herêmên Parastinê yên Medya û Bakurê Kurdistan didome. Navendê diyar kir ku di bûyeran de ti windahiyên gerîlayan çênebûye.
Di daxuyaniya ku ji aliyê navendê ve hat dayîn wiha hat gotin: “4’ê Cotmehê (îro) sibehê saet 04.50 û 05.30 balafirên şer ên artêşa Tirk bi piştgiriya pêgerên hewayî yên bêmirov li qada Çemçê ya Qersê bomberdûmanek pêk aniye.
3’yê Cotmehê saet di navbera 17.00 - 18.00’an de balafirên şer ên artêşa Tirk bi piştgiriya pêgerên hewayî yên bêmirov qadên Geliyê Dostkî û Bînbîr ên girêdayî navçeya Gever a Colemêrgê bombe kirin.
4’ê Cotmehê saet di navbera 01.00 - 01.30 de balafirên şer; derdora gundê Enzê yê girêdayî herêma Qendîl bombe kirine. Di encama bomberdûmanê de baxçeyên gelê herêmê zerar dîtine.
4’ê Cotmehê saet 01.30-02.00’an balafirên şer, derdora gundê Orê yê girêdayî herêma Metîna bomberdûman kir. Di encama bomberdûmanê de elektrîka gund qut bû.
3’yê Cotmehê saet 22.00’an û 00.00’an, artêşa TC, herêmên Demîrkapi û Şehîd Zozan ên girêdayî herêma Çemçê ya Qersê da ber topên hawan û tankan.
3’yê Cotmehê saet 18.00’an qereqolên Mamreş û Bêzok ên li xeta sînorê herêma Avaşînê ya Herêmên Parastinê yên Medyayê, herêma Mergê; saet 19.30’an qereqola Oremarê, herêma Şehîd Bager da ber obus û hawanan.
3’yê Cotmehê saet di navbera 18.00-19.00’an de qereqolên Tepê Remo û Şitaza yên li navçeya Gever a Colemêrgê, bi piştgiriya pêgerên hewayî yên bê mirov, herêma Bînbîr da ber obus û hawanan.
3’yê Cotmehê saet di navbera 17.00-17.30’an de qereqola Êrîş a li xeta sînorê herêma Zapê, herêma Xeregol; 4’ê Cotmehê saet di navbera 01.30-02.00’an qereqola Êrîş, herêmên Gunde Sernê û Çarçerê da ber obus û hawanan.
3-4’ê Cotmehê saet di navbera 23.00-09.00’an de li ser herêma Heftanînê; saet 22.00-05.30’an li ser herêma Garê; saet 21.00-01.30’an li ser herêma Qendîlê; saet di navbera 17.00-09.00’an li ser herêma Avaşînê; 3’yê Cotmehê saet 14.30-16.00’an û 4’ê Cotmehê saet 01.30-05.00’an li ser herêma Zapê; 3’yê Cotmehê saet di navbera 22.00-00.00’an de li ser herêma Metîna, pêgerên hewayî yên bêmirov keşf kirin.
3’yê Cotmehê saet di navbera 09.00-14.00’an de li ser herêma Zapê; saet 18.00-22.30’an li ser herêma Avaşînê, saet 17.45 û 4’ê Cotmehê saet 00.30-01.00’an li ser herêma Xakûrkê; 4’ê Cotmehê saet di navbera 00.00-02.00’an de li ser herêmên Metîna, Heftanîn û Zapê tevgera balafirên şer çêbû.
Di bomberdûmanên hewayî de ti windahiyên hêzên gerîlayên me tinene, eraziyên gundiyan zerarek mezin dîtine.”
