Agirê li Çiyayên Herekolê pêketî her ku diçe berbelav dibe. Şêniyên gundê Erkentê ku hewl didin agir bi derfetên xwe vemirînin, diyar kirin ku heta niha qadek daristanê ya bi sedan hektarî bûye xwelî.
Li Çiyayên Herekolê yên li bejahiya navçeya Berwarî ya Sêrtê ji ber sedemek nayê zanîn şewat derket. Dîsa destwerdana yekem ji aliyê şêniyên gundê Erkent ê li qûntarê çiya ne, hate kirin.
Şêniyên gund ên ku hewl didin bi derfetên xwe agir vemirînin, ragihandin ku ji ber şewata li mintiqa Kahiya Tûya û Erkentê destpê kir, heta niha qadek daristanê ya bi sedan hektarî bûye xwelî.
Şêniyên herêmê destnîşan kirin ku di vemirandina agir de zehmetiyan dibînin, dan xuyakirin ku Midûriyeta Daristan û Karên Avê ya Bajêr ji bo vemirandina agir dest bi ti hewldanan nekiriye.
