Belavok li Baroya Mûşê bi civîna çapemeniyê ji raya giştî re hate ragihandin. Serokê Baroya Mûşê Kadîr Karaçelîk diyar kir ku li ser jiyan û malê sivîlan ên li Rojava hîn jî rîsk heye û hîn jî av, elektrîk û xurek ku çavkaniyên bingehîn ên jiyanê ne, bi dest nakevin.

Karaçelîk anî ziman ku gelê Kurd li hemberî DAÎŞ'ê û rêxistinên weke wê berdêlên giran da, bi vî rengî xak û rêveberiya xwe ya demokratîk parastin.

Di daxuyaniyê de hate destnîşankirin ku Tirkiye ji ber ku di pêvajoya derbasbûnê ya li Sûriyeyê de helwestek ji bo parastina maf û hiqûqa Kurdan nîşan neda, vê yekê di nava civaka Kurd de şikestinek bi xwe re aniye û baweriya civakî ya bi aştiyê kêm kiriye.

BANGA JI PÊNC XALAN

Di belavoka hevpar de ev daxwaz hatin kirin:

* Biryara agirbestê ya li Sûriyeyê mayinde bibe û xeteriya şer ji holê bê rakirin.

* Mafê Kurdan ku gelekî qedîm ê wê xakê ye bi peymanên navneteweyî û hiqûqa gerdûnî bêne parastin û hurmet jê re bê nîşandan.

* Parastina mafên gelê xwişk-bira ya Dewleta Komara Tirkiyeyê ku welatê me ye û bi vî rengî di pêvajoyê de bi rola sereke rabe.

* Li hemberî astengiya li pêşiya çavkaniyên jiyanê ji aliyê Komara Tirkiyeyê ve korîdora mirovî bê vekirin.

* Bi tespîtkirina binpêkirina maf re mekanîzmayên dadgeriyê yên navneteweyî bêne bikaranîn."