Navenda Ragihandin û Çapemeniyê ya YRK’ê têkildarî agahiyên nerast yên li ser hêzên xwe hatine belavkirin, daxuyaniyek da.

Daxuyaniya YRK’ê wiha ye;

“Di rojên dawî de, ligel bûyer û şerên ku diqewimin, hinek dezgehên çapemeniyê agahdariyên nerast li ser hêzên me belav dikin. Me berê ji raya giştî re gotibû ku divê her kes li benda daxuyaniyên me be û baweriya xwe bi tu agahiyên din neyne.

Bi taybetî niha hinek dezgehên çapemeniyê agahiyên ku çar gerîlayên YRK’ê di şerekî li herêma Serdeşt, gundê Mûselan û derdora wê de şehîd bûne, diweşînin. Em dixwazin zelal bikin ku li wê herêmê di navbera hêzên me û Artêşa Pasdaran de tu şer û pevçûn neqewimiye.

Li wê herêmê tu hevalên me şehîd nebûne. Agahiyên ku têne weşandin bi temam di çarçoveya şerê taybet û psîkolojîk de ye û ew dixwazin di hişê gelê me de tevliheviyê çêbikin.

Ev agahî ji rastiyê dûre û divê gelê me qet baweriya xwe bi van agahiyan neyne.”