Li bajarên Heilbronn û Aachen ên Elmanyayê bi beşdariya sedan kesî Newroz bi coş hat pîrozkirin.

HEILBRONN

Pîrozbahî li Qada Theresienwiese pêk hat. Pîrozbahiya ku bi sedan Kurdistanî û dostên wan ên Elman beşdar bûn, bi deqeyek rêzgirtina ji bo şehîdên şoreşa Kurdistanê dest pê kir.

Piştî  rêzgirtinê, ji aliyê Navenda Civaka Demokratîk a Kurd a Heilbronn (DKTM) ve axaftin hat kirin. Di axaftinê de bal kişand ser wate û girîngiya Newrozê û li ser pêwîstiya yekîtiya neteweyî hat rawestandin. Di pîrozbahiyê de peyama ji Kobanê hatibû şandin hat xwendin.

Agirê Newrozê ji aliyê dayikên şehîdan ve hate pêxistin, û bi stranên hunermendan berdewam kir. Beşdaran heta dernegiya şevê li dora agir govend gerandin.

AACHEN

Bi sedan kes li ber Elisenbrunnenê kom bûn û bi meşaleyan meşiyan.

Di meşê de dirûşmeyên "Newroz pîroz be", "Bijî berxwedana Rojava", "Gelê Kurd yek e" û "Jin, jiyan, azadî" hatin berzkirin. Girseya ku li qadê kom bû li ber stranan govend gerandin.

Newroz lu her du bajaran bi peyamên yekîtî, hevgirtin û berxwedanê hat pîrozkirin.