Serokê Giştî yê Partiya Îslamî ya Kurdistanê (PÎK) Hîkmet Serbilind ji ber wefata siyasetmedarê Kurd û hevserokê berê yê PYD’ê Salih Muslim peyama sersaxiyê da.

Peyama PÎK’ê wiha ye:

“Bi xemgînî em bi wefata siyasetmedarê Kurd, birêz Salih Muslim, endamê Konseya Hevserokatiyê ya Partiya Yekîtiya Demokratîk (PYD), agahdar bûn û em gelekî xemgîn bûn. 

Rehma Xwedê lê be û cîhê wî bihuştê (cennet) be, înşallah.

Birêz Salih Muslim ji bo mafên gelê Kurd li hember dewletên dagirker gelek kar û xizmetên kêrhatî kirine.

Em li ser navê PÎK’ê sersaxiyê ji bo malbat û rêhevalên birêz Salih Muslim û gelê Kurd dixwazin. Xwedê sebrê bide malbata wî.”