Li Zanîngeha Mozartê ya li bajarê Salzbûrg ê Awûstûryayê, ji bo bibîranîna kesên di xwepêşandanên protestoyî yên li Îranê de jiyana xwe ji dest dane û piştevaniya bi gelên Îranê re bernameyeke muzîkal hat danîn.

Di bernameyê de îşaret bi geşedanên xwepêşandanên protestoyî yên li Îranê û Rojhilatê Kurdistanê hat kirin û peyama xwedî derketina li têkoşîna Jîna Emîniyê hat dayîn.

Di bernameyê de dirûşmeya “Jin jiyan azadî“ bi gelek zimanan hat berzkirin, bi çepikan piştgirî hat dayîn.

Hunermendên Kurd Îranî û Awûstûryayî performansên kurt ên muzîkal pêşkêş kirin. Sînevîzyoneke li ser xwepêşandanên li Îranê hat nîşandan.

Rektorê zanîngehê Prof. Elîsabeth Gûtjahr jî tev li bernameyê bû û axavtineke bi hestyarî kir.