Bîranîn bi axaftina Hevserokê Meclîsa Gel a Gavle-Borlange Haydar Sîpan destpê kir û ji bo bîranîna şehîdan, deqeyek rêz hate girtin.

Bernameya bîranînê bi sînevîzyona derbarê jiyana şehîdan, dewam kir. Piştre Hevserokê KONGRA-GEL Remzî Kartal axivî.

Kartal bal kişand ser wate û girîngiya şehîdan û geşedanên li Rojava nirxand.

Kartal destnîşan kir ku Kurdan yekîtiya xwe ya neteweyî çêkirine û divê ev berxwedan bidome.

Hevserokê NÇDK Îskandînavya Battal Batte jî çîroka du xizmên xwe yên şehîd, xwend.

Ozan Comert jî derket ser dikê û stran gotin. Piştre Remzî Kartal gul û wêneyên şehîdan da malbatên şehîdan.