Kurdistaniyên li Stockholmê dijîn îro dest bi pîrozbahiyan kirin, agirê Newrozê hat dadan. Pîrozbahiya mezin a ku wê bi hezaran kes beşdar bibin jî sibê ye.
Li Swêdê, di serî de paytext Stockholm, li bajarên Orebro, Borlänge, Goteborg û Malmoyê Kurdistanî wê Newrozê pîroz bikin.
Îro li Stockholmê agirê yekem ê Newrozê hat dadan. Bi banga Navenda Civaka Demokratîk a Kurd (NCDK) bi sedan kes li qada parkê ya li Fridhemsplanê hatin cem hev. Li dora agirê hatî dadan bi sedan kesan bi def û zurnayê û muzîkê govend gerandin.
