Li bajarê Mannheimê ê Elmanyayê, bi tevlîbûna dehan Kurdistanî ji bo bîranîna şehîdên berxwedana Rojava çalakî hate lidarxistin. Çalakî ji bo bîranîna Şehîdên Azadiya Kurdistanê bi deqîqeyek rêzgirtinê destpê kir.

Piştre, Hevserokên Meclîsa Gel a Kurd a Mannheimê gel silav kirin.

Piştre, siyasetmedar Faysal Sariyildiz axivî û wiha got, “Em ji bo bîranîna kesên ku di encama berdêlên mezin ên ji bo azadiya gelê Kurd û jiyaneke demokratîk û hevpar a li Rojhilata Navîn de jiyana xwe ji dest dan, li vir in. Bêyî guman şehadeta wan me xemgîn dike, lê bîranînek bi wate bi pêkanîna xeyalên qehremanên me yên mezin bi helwestekî îdeolojîk pêkan e. Ruhên wan ên ezîz ev yek ji me dixwaze. Niha li ser medyaya dijîtal, ji bo tunekirina destkeftî û nirxên gelê Kurd, lîstok û êrîşên pir qirêj têne kirin. Divê her sazî û avahiyê me ji rexneyan re vekirî bin; lê divê li dijî êrîşên qirêj ku di bin navê rexneyê de tên kirin, zêdetir birêxistin bibin û li dijî wan rabin û bi vî rengî xwedî li bîranînên şehîdên xwe derketin.”

Siyasetmedar Seydî Firat jî di serî de şehîdên Rojava, hemû şehîdên azadiyê bi bîr anî. Firat bal kişand ser berxwedana Rojava û diyar kir ku piştî civakî 4’ê Çileyê ya li Parîsê li ser Rojava konseptekî îmhayê ya pir qirêj ketiye dewrê. Firat bi bîr xist ku hem li Rojava û hem jî li Ewropayê bi milyonan Kurdistanî û dostên wan li dijî êrîşan rabûn.

Firat anî ser ziman ku komployekî mezin a ji bo îmhakirina Rojava tê meşandin û diyar kir ku ger ji berxwedanê nebûya nûnerên Kurd ji bo Konferansa Ewlekariyê ya Munihê nedihatin vexwandin.

Piştî axaftinan, sînevîzyona li ser jiyan û berxwedana şehîdên Rojava hate nîşandan. Bîranîn bi dirûşmeya “Şehîd namirin” bi dawî bû.