Jinên ciwan ên aktîvîst ên Jinên Xwendekar ên Kurdistanê (JXK), ragihand ku wan dest bi bernameyekê kiriye ku ew ê biçin serdana her zanîngeha li Londonê da ku tevgera rizgariyê ya jinan û bîrdoziya Rêberê Gelê Kurd Abdullah Ocalan bidin naskirin û li cîhanê belav bikin. 

Ciwanên Kurd ên ji aliyê şêniyên Londonê ve bi xweşî hatin pêşwazîkirin, bi standa ku li hewşa zanîngehê danîn, bi dehan îmze berhev kirin û gotin ku qedexeya li ser PKK’ê polîtîk e; divê mirov li hember hestiyar be.

Komîteyê, bang li komîteyên JXK’ê yên li seranserê cîhanê kir ku ji bo berhevkirina îmzeyan li kampusên zanîngehan û li ser rêyên çûnehata wan zêde, zend û bendan badin û wiha got: “Divê em li her dera lê ne, xwe çalak bikin. Divê em pêşerojeke azad û demokratîk a ji bo xwe bi destê xwe ava bikin. Îsal wê bibe sala biserketinê, lê ji bo tevlêbûna şoreşê û pêkanînê divê her Kurd û hevrê, bi çalakiya xwe bi hev re bin.“

Jinên ciwan da zanîn ku ew ê li dijî polîtîkayên tên pêkanîn, sibehê roj bêhtir xwe çalak bikin û kampanyaya îmzeyan mezin bikin û armanca xwe bibin serî û îşaret bi wê yekê kirin ku helwesta Yekîtiya Ewropayê ya li dijî PKK’ê, bi rastî helwesteke li dijî gelê Kurd e.