Di standa piştevaniyê ku li bajarê Koln ê Elmanyayê hate vekirin de, îşaret bi êrîşên li ser Rojava hate kirin û banga tevlîbûnê ji bo meş û mitînga ku wê di 14’ê Sibatê de li Strasbourgê were lidarxistin, hate kirin.
Li bajarê Koln ê Elmanyayê, standa ku bi armanca mezinkirina piştevaniyê û xuyakirina daxwaza statuyê, ji aliyê Meclîsa Gel û Meclîsa Jinan a Viyan ve hate vekirin, bi bernameyên cuda dewam dike.
Di çarçoveya standê de, derbarê êrîş û komkujiyên heyî de agahdarkirinên bi Elmanî hatin kirin û derbarê meş û mitînga ku bi daxwaza azadiya Rêber Apo li bajarê Strasbourg ê Fransayê were lidarxistin, agahiyên berfireh hatin dayîn.
Ji bo Kurdistaniyên ji çar parçeyan ku serdana standê kirin, banga tevlîbûnê ji bo meş û mitînga ku wê ji bo azadiya Rêber Apo di 14’ê Sibatê de li Strasbourgê hate lidarxistin, hate kirin.
