Li Hollandayê bi wesîleya 21’ê Sibatê Roja Zimanê Dayikê ya Navneteweyî kartpostalên Kurdî û Hollandî ji partiyên siyasî, saziyên civaka sivîl, dêr û zanîngehan hatin şandin.

Organîzatoran diyarkirin ku ew bi kampanyayê re tenê balê nakşînin ser girîngiya zimanê dayikê, di heman demê de armanc dikin ku ziman, nasname û çanda gelê Kurd were naskirin. Di peyama çarçoveya kampanyayê de wiha hate gotin, “Zimanê dayikê mafek e. Nasname naye înkarkirin.”

Her wiha di kartpostalan de banga ji bo naskirina statuya Rojava hate kirin. Di daxuyaniyê de hate diyarkirin ku ziman, nasname û statu nabe ji hev were cudakirin.

Hate diyarkirin ku armanca bingehîn a amadekirin û şandina qertan bihîstina deng û mezinkirina piştevaniyê ye.