Kurdistaniyên li Fînlandiyayê dijîn, bi boneya 23. salvegera komploya navneteweyî ya li dijî Rêberê Gelê Kurd Abdullah Ocalan, li paytext Helsînkî bi dostên xwe yên ji Fînlandiya û gelên din re meşeke dirêj li dar xistin.

Meşa ku ji navenda Helsînkî destpê kir, bi qasî 15 kîlometreyan heta ber Navenda Civaka Kurd a Demokratîk (DTKM) a li kolana Rastîla dom kir.

Di meşê de ji destpêkê heta dawiya meşê dirûşmeyên "Ji Abdullah Ocalan re azadî", "Bê Serok jiyan nabe", "Bijî Serok Apo" û dirûşmeyên li dijî dagirkeriya Tirk hatin berzkirin. Meşa girseyê ji saet 11:00'an heta 16:30’an bi muzîk û sirûdên Kurdî dewam kir.

Bi boneya roja reş wê 13’ê Sibatê roja Yekşemê li DKTM’ê greva birçîbûnê bê lidarxistin.